...तरी प्रत्येकासाठी हे सर्व भौतिक जग म्हणजे त्याचेच विश्व असेल ...जस कि हा ट्रॅफिक सिग्नल सर्व जण बघतायत ...हा भला मोठा चौक ...त्याच्या बाजूला असलेला हा भला मोठा निऑन लाईटीत चमकणारा जाहिरातीचा बोर्ड..हि मोठी जुनी इमारत दिवसातून हजारो जण या रस्त्यावरून जात असतील...प्रत्येकाला ते आपलं वाटत असेल किंवा हा भलामोठा कॅनव्हास त्याला त्याच्या जीवनातील या दिवसाच बॅकग्राऊंड वाटत असेल.....
हे सर्व सर्वांना सारख असतांना काही जणांना उगाचच अस का वाटत असत कि जणू काही या भूतलावर सर्व सृष्टीची निर्मिती फक्त व फक्त त्यांच्यासाठीच झाली आहे......
लहानपनी मी पाहायचो कुठला कार्यक्रम असला कि आई तयार व्हायची ...नवी साडी..त्यावर सर्व मॅचिंग ...गजरा अस सर्व ...मग आईच्या मैत्रिणी यायच्या ..मग एकमेकांकडे बघण्यात, कौतुक करण्यात व दुसऱ्याच्या डोळ्यात व चेहऱ्यावर स्वतःचे कौतुक पाहण्याचा सोहळा काही वेळ चालायचा ...मग या सर्व बायाना अजून काही बाया येऊन मिळायच्या मग त्या सर्व कार्यक्रमात जायच्या आता त्या ठिकाणी आधीच सजून धजून येणाऱ्यांची संख्या भरपूर असायची ...मग ते सर्व मला एकसारखेच वाटायचे ...फार काही फरक वाटायचा नाही....
तरी माणूस या संपूर्ण समष्टीत स्वतः साठी काहीतरी करत असतो ...पृथ्वीचं लाखो चौ कि मी चे क्षेत्रफळ पसरलेले त्यात फूट फूट इंच इंच जागा माणूस घेतो व अभिमानाने दुसऱ्याला दाखवतो तेव्हा चंद्रासह एकूणच सूर्यमालेतील जमीन असलेले सर्व ग्रह त्याच्या क्षुद्र कृतीला हसत असतील का?
माणूस सूट कोट टाय घालतो व साधे कपडे घातलेल्या माणसांकडे अतीव केविलवाण्या किंवा उपकृत नजरेने बघतो तेव्हा त्या सध्या माणसाच्या शरीरावरील अवयव त्या कोट वाल्या माणसाच्या अवयांकडे आपलं मन मोकळं करत असतील का?
मानसिक वरचढ पण आपल्या बोलण्यातून दाखवून समोरच्याच तोंड बंद करण म्हणजे युद्ध जिंकल्याचा भास वाटत असतांना त्या केविलवाण्या समोरच्याला ईव्ह ने ते मायावी सफरचंद उगाचच खाल्लं व हि पिलावळ जन्माला आली असं काही वाटत असेल का ?
या गच्च भरलेल्या रस्त्यावर लालपिवळे लाईट्स चमकत असणाऱ्या गाड्यांच्या मांदियाळीत बसलेल्या तमाम मनुष्य जातीपैकी सर्वच्या सर्व त्या ऍपलच्या मोहामुळे जन्माला आले याची एकाला आठवण असेल का?
तसं नसेल तर हे परमेश्वरा मला पुन्हा एकदा त्या महाप्रलयाच्या लाटेमध्ये वाहून जाऊ दे.
-समाधान महाजन-
No comments:
Post a Comment