# होता होता राहील...ते वयच तस असत..(2)
मी एम एफ हुसेन पेक्षाही मोठा चित्रकार बनायचं अस ठरवलं होत,नवोदयला असतांना कस कोण जाणे पण कळल तेव्हा मी एकदम आर्ट क्लब मध्ये होतो...
आर्टचे नेवगीरे सर अत्यन्त चांगली व्यक्ती, मुळात ते खूप कनवाळू व इतरांपेक्षा सॉफ्ट वाटायचे, कर्नाटकी भाषेची छाप त्यांच्या बोलण्यात असल्याने बऱ्याचदा हसू यायचे.
त्यांच्यामुळे चित्रांची भाषा कळाली, पान, फुल व निर्जीव ऑब्जेक्ट कागदावर कसे उतरवायचे ते कळू लागले- मुळात कागद,पेन्सिल,चित्र व त्यात रंग भरता भरता त्या लहानशा वयातहि भरले जाणारे रंग हे इतकं डेडली व perfect combination ठरलं कि आजही सरांसोबतचे अनेक क्षण जसेच्या तसे आठवतात.
एकदा असच ती कोणती इंटर्मिजीएट्री कि कोणती अशी परीक्षा देण्यासाठी बसने दुसऱ्या गावी चाललो होतो...तेव्हा काय संदर्भ होता कोणास ठाऊक .. पण सर एकदम जवळ आले व म्हटले , "तुझ्यात तितका स्पार्क वाटत नाही...तू बोलत पण नाहीस काही..." ..पुढचे शब्द ऐकू यायच्या आधी डोळे भरून आले होते ...आत सर्व आग आग झाली होती ...हे अस कस बोलू शकता म्हणून ...
मुळात माझं माझ्याही खूप बोलणं सुरु असायचं. And i observed very intensly that time ..म्हणून मग त्या त्या वेळची सकाळ, ऊन , संध्याकाळ, पाऊस, वारा, सर्व जस एकदम फ्रिज झाल्यासारखं डोक्यात फिट व्हायच.....
म्हणून इतक्या सर्व उलाढाली आतून सुरु असताना व मी सतत स्वतः शी संवाद साधत असतांना मला सरांचं बोललेलं खूप लागलं....
मग मी त्याचवेळी ठरवलं कि खूप मोठा चित्रकार व्हायचं ...चित्राच्या माध्यमातून बोलायचं ...ज्याला समजेल त्याला समजेल......आणि त्या पुढच्या काळात जिथे जिथे चित्रकला व त्या विषयीची माहिती दिसली कि मी ती आधाशी सारखा वाचून काढायचो,विविध आर्ट गॅलरीची माहिती घ्यायचो....
व्हॅन गॉग, गायतोंडे,कदम , मायकेलेन्जेलो, लिओनोर्दो, एम एफ हि सर्व मंडळी माझी आदर्श बनली होती....
त्या झपाटलेल्या काळातील चित्रांचे काही तुकडे जे आज संग्रही आहेत ते पाहून आज मलाच विश्वास वाटत नाही ते मीच काढ्लेयत म्हणून....
Even...Upsc ची मेन्स च्या वेळी जे जे स्कुल ऑफ आर्ट ला नम्बर आल्यावर जितका आनंद प्री पास होऊन झाला होता तितकाच किंबहुना त्याहून काकणभर जास्त आनंद जे जे त बसून पेपर देता येतील याचा झाला होता.....
पेपर झाल्यावरही बराच वेळ त्या वास्तूच्या आवारातच रेंगाळत असतांना चित्र सोडाव लागल्याबद्दल खूप त्रास होत होता , वाईट वाटत होत....दिल ढूंडता है फीर वही फुरसत के रात दिन ....अस काहीस ...
.
.
.
थोडक्यात मॉडर्न आर्ट मध्ये एक मोठा चित्रकार मला व्हायच होत पण राहीलच.........
# समाधान #
No comments:
Post a Comment